Şimbä könne Tatarstanda ğädättäntış säyäsi waqiğa buldı. Yarım yäşeren utırışlarda tudırılğan qanun proektı matbuğatta basılıp çıqtı. Tatarstan konstitutsiäsenä östämälär häm üzgäreşlär kertü turındağı qanun proektınıñ 125 matdäse berençesennän axırına qadär rus häm tatar tellärendä distälärçä meñ tiraj beän räsmi matbuğatta basılu sensatsiä bulır dip uylawçılar yalğışalar. Cämäğätçelekneñ küp öleşe Konstitutsiä ni öçen kiräk, anıñ elekkese qaya bulğan, närsä üzgärä digän sorawğa cawap birä almıy. Döresräge, bötenläy qızıqsınmıy. Älbättä, säyäsät häm däwlät eşläre belän qızıqsınuçılar härqayda xalıqnıñ 5-10 protsentın ğına täşkil itäder. Ämma, 10 yıldan artıq, möstäqıyllek, xoquqıy däwlät, milli üseş dip awız suların qorıtqannan soñ, şuşı xörriät ideyälärınıñ niqadär xalıq küñelenä barıp citüen niçek belergä?
Äytergä kiräk, milli añı yuğarı bulğan deputatlar Konstitutsiädän suverenitet, federal' üzäk belän tözelgän şartnamä süzlärennäa waz kiçärgä telämilär. İkençeläre, ägär dä mägär suverenitet häm şartnamä turındağı xıyayalar yaña konstitutsiägä kerä ikän, dimäk tizdän monısın da konstitutsion sudqa birep, keçennän çığarırğa turı kiler, dip sanıy. Qayber säyäsätçelär tağın da qurqınıçraq farazlar yasıy. İmeşter, 23 iyündä federal' üzäk belän subyektlar arasındağı şartnamälärne yukqa çığarunıñ sroğı tämamlana. Şulay bulğaç, cäy urtasında Rusiä prezidentı Tatarstan häm anıñ xaqimiät orğannarı öçen kisken ğamällär qılırğa mömkin. Teläsä nindi köç qullanu, xaqimiät küsägen kütärü iñ berençe çiratta Tatarstan häm Qazanğa yunäldereläçäk. Döresme bu, yukmı, äytä almıym, ämma dä möstäqıyllek, şartnamä, millät süzläre modada tügel xäzer Rusiädä.
İnde kilep, ağay-ene, konstitutsiä proektın “Respubliqa Tatarstan”, “Watanım Tatarstan” gäcitlärendä ezläp tabıp, anı küz nurların tügep uqıp çıqsa, üzeneñ töple, aqıllı fikerlären äytsä, kem belä, bälki millätneñ qaya taba barğanın, respubliqa kiläçägen, hiç yuğı üze belep torır ide. Ä bälki azmı-küpme üz fikeren äytep, telägen yäki qarşılığın belderep, wäzğiätkä tä'sir itä dä alır. Xalıq digäneñ, sarıq kötüe tügel ikänen, inşalla, millättäşlärebez raslar, dip ömetlänik.
Äytergä kiräk, milli añı yuğarı bulğan deputatlar Konstitutsiädän suverenitet, federal' üzäk belän tözelgän şartnamä süzlärennäa waz kiçärgä telämilär. İkençeläre, ägär dä mägär suverenitet häm şartnamä turındağı xıyayalar yaña konstitutsiägä kerä ikän, dimäk tizdän monısın da konstitutsion sudqa birep, keçennän çığarırğa turı kiler, dip sanıy. Qayber säyäsätçelär tağın da qurqınıçraq farazlar yasıy. İmeşter, 23 iyündä federal' üzäk belän subyektlar arasındağı şartnamälärne yukqa çığarunıñ sroğı tämamlana. Şulay bulğaç, cäy urtasında Rusiä prezidentı Tatarstan häm anıñ xaqimiät orğannarı öçen kisken ğamällär qılırğa mömkin. Teläsä nindi köç qullanu, xaqimiät küsägen kütärü iñ berençe çiratta Tatarstan häm Qazanğa yunäldereläçäk. Döresme bu, yukmı, äytä almıym, ämma dä möstäqıyllek, şartnamä, millät süzläre modada tügel xäzer Rusiädä.
İnde kilep, ağay-ene, konstitutsiä proektın “Respubliqa Tatarstan”, “Watanım Tatarstan” gäcitlärendä ezläp tabıp, anı küz nurların tügep uqıp çıqsa, üzeneñ töple, aqıllı fikerlären äytsä, kem belä, bälki millätneñ qaya taba barğanın, respubliqa kiläçägen, hiç yuğı üze belep torır ide. Ä bälki azmı-küpme üz fikeren äytep, telägen yäki qarşılığın belderep, wäzğiätkä tä'sir itä dä alır. Xalıq digäneñ, sarıq kötüe tügel ikänen, inşalla, millättäşlärebez raslar, dip ömetlänik.