Tatarstanda İnternet belän niçä keşe qullana?

Telibezme, telämibezme, xäzerge zamanda bezneñ tormışqa yaña informatsion texnologiälär kerep bara. Şul isäptän İnternet ta. Tatarstanda bu ölkädä xällär niçek tora soñ? Respublikada da dönyadan qalışmasqa tırışalar. Äledän-äle yaña İnternet mäğlümat çaraları açılıp tora, könnän-kön İnternet çeltäre belän qullanuçılar sanı üsä. Läkin xäzergä Tatarstanda barlığı 17 meñnän artıq qına qullanuçı bar, şularnıñ 16 meñe – Qazanda, qalğan ber meñ tiräse – respublikanıñ başqa şähärlärendä. Rayonnarda isä İnternet belän qullanuçılarnı barmaq belän genä sanarlıq. Yaqın kiläçäktä dä alarnıñ sanı ällä ni kübäymäs, dip farazlana. Monıñ säbäbe nidä? Şuşı mäğlümätlärne citkergän Tatarstannıñ Elemtä ministrı urınbasarı Ravil' Fatıxov süzlärenä qarağanda, respublikada eş itüçe 49 elemtä operatorlarınıñ İnternetnı qullanununı kiñäytü öçen barlıq texnik mömkinlekläre dä bar. Läkin tatarstanlılar älegä bu ölkädä ällä qızıqsınu kürsätmilär, alarnıñ teläkläre dä, tüläü sälätläre dä çiklängän. Şuña da karamastan, İnternet belän qullanu ölkäsendä Tatarstan barıber qayber qurşe respublikalarnı şaqtıy ğına artta qaldırıp, uzıp kitkän ikän.