Avstralia televideniese cırçı Zölfiä Kamalova turında film kürsätte

Mädäni yañalıqlardan tıñlawçılarıbız öçen www.intertat.ru-dan alınğan xäbärlär qızıq bulır. 10 mart könne Avstraliä milli televideniesendä Tasmaniä utrawında yäşäwçe cırçı Zölfiä Kamalova turında film kürsätelgän. Zölfiä Sarapulda tuıp üskän tatar qızı, 7 yıl elek Avstraliägä kitkän ide. Zölfiäneñ icatı, anıñ “Ällüki”, “Journey of Voice” kompakt diskları populyarlıqnı tiz yawlap aldı. “Ällüki” diskı tatar cırlarınnan ğına ğibärät häm ul Avstraliädä 2000 yılnıñ iñ populyar diskı itep tanıldı. “Journey of Voice” diskı häm ayıruça “Cidegän çişmä” cırı törle cırlar arasında berençe urın alğan, dip xäbär itä Avastraliädän İrek Garipov.