Accessibility links

Кайнар хәбәр

Mäğärif ministrlığı milli mäğärif sistemasına bağışlanğan seminar-kiñäşmä uzdırdı


“Ğomumi urta belem uqu yortlarnıda informatsion-kommunikatsion texnologiälär qullanu” digän seminar-käñäşmädä Tatarstannıñ rayon, şähär mäğärif bülekläre citäkçeläre qatnaştı. 13 mart könne seminar-kiñäşmädä Tatarstan mäğärif ministrı Faris Xarisov Rusiä mäğärifen yañartu konsepsiäse turında çığış yasadı. Milli mäğärif sistemasına federal' üzäktän kirtälär quyu, ayaq çalu ğamälläre bar digän farazlar bulsa da, ğamäldä, tatarça belem birüdä bernindi dä real' basım sizelmi. Problemalar real' tormıştan, real' könküreştän. Tatarlar küpläp yäşägän respublika rayonnarında da balalar sanı kimi. Şuña kürä uqıtuçılar da kimi. Küptän tügel Xapugin digän yurist şiqäyät itkänçä, altı säğät tatarça uqıtıp ta, balalar köndälek tormışta tatarça söyläşmilär. Läkin balalarnı altı säğät tatarça uqıtalar, digän şiqayätlär barıber nigezsez, çönki rus tele däresläre ayırım, rus ädäbiäte ayırım bulğan kebek ük, tatar tele däresläre ayırım, ädäbiät däresläre ayırım.

Ä inde informatsion-kommunikatsion texnologiälärgä kilgändä, monda berençe çiratta, mäktäplärne kompyuterlaştıru, kompyuterlar çeltäre buldıru küzallana. Rusiädä 72 balağa ber kompyuter turı kilsä, Tatarstanda 43 balağa ber kompyuter turı kilä, mäktäplärdä kompyuter klassların artıru säyäsäte alğa taba da alıp baralaçaq. Ä inde mäktäplärdä kompyuter çeltärläre buldıru xälenä kilgändä, älegä bu Qazan şähäreneñ qayber mäktäplärendä häm gimnaziälärendä genä bar. Seminar-kiñäşmädä qatnaşuçılar 14 mart könne şundıy uqu yortlarınıñ berse, Qazan şähäre Novo-Savin rayonı 7-nçe gimnaziäseneñ eş täcribäse belän tanıştılar. Milli mäğärif sistemasında İnternet çeltären qullanuğa äle yıraq. Qayber säyäsätçelär tatarlarğa latin belän yazunı tıyıp, monı tağın da yırağaytırğa mataşalar. Yuğisä, tatarlar küpläp yäşägän töbäklärgä, äytik Sebergä, İnternet aşa yuq digändä, metodik yärdäm kürsätep bulsa, hiçşiksez, fayda bulır ide. Mäğärif ministrlığınıñ uqıtu-metodik ädäbiät bülege xezmäktärläre küptän tügel Tömändä bulıp, 15 däres birep qaytqan. Tömän ölkäsendä 200 meñ tatarğa bergenä tatar mäktäbe dä yuq ikän.
XS
SM
MD
LG