21 martta Sarıtawda tatar-başqort mädäniäte könnäre başlanıp kitte, dip xäbär itä Tatar-inform agentlığı. Älege çara inde 10 yıl ütkärelä, bu yulı Sarıtawda “Urta ğasır şähäre Uwekkağa –750 yıl" digän temağa fänni-gämäli konferensiä, tatar gimnaziäse yubileena bağışlanğan tantanalı kiçä ütäçäk häm G.Kamal isemendäge tatar däwlät akademiä teatrı artistları tarafınnan kürenekle dramaturg Tufan Miñnullinnıñ "Ezlädem bäğrem sine" spektakle kürsäteläçäk. Tatar-başqort mädäniäte könnäre barışında Tatarstan Respublikasınıñ Sarıtaw ölkäsendä daimi wäkilçelegen açu tantanası da uzdırıla.