Tatarstan Prezidentı Mintimer Şäymiev citäkçelegendä delegatsiä Şvetsiädä eşlekle oçraşular alıp bara

Düşämbe könne irtän tañ atqanda 25 keşelek Tatarstan delegatsiäse Qazannan Stockholm şähärenä kilde. Respublika Konstitutsiäsen kiskäläp üzgärtä başlağannan soñ, Mintimer Şäymievneñ bäysez çit däwlätkä berençe vizitı Tatarstannıñ xalıqara iqtisadi xezmättäşlek alıp baruda nindi statuslı buluın kürsätäçäk. Xäzergä Şvetsiädäge berençe adımnar Tatarstan delegatsiäseneñ şaqtıy zur eşlär başqarıp yörüen kürsätä. Düşämbe könne Mintimer Şäymiev Şvetsiäneñ Baltiä illäre belän säwdä häm xezmättäşlek ministrı Leif Pagrotsky belän oçraştı. Şulay uq düşämbe könne Mintimer Şäymiev Şvetsiäneñ tışqı säyäsät institutı uqıtuçıları häm studentları aldında çığış yasadı. Şäymievne Stokcholmda qarşı alıp, ozatıp yörüçelär arasında Rusiäneñ Şvetsiädäge ilçese Nikolay Sadçikov ta bar. Sişämbe könne Tatarstan häm Şvetsiäneñ zur kompaniäläre arasında xezmättäşlek itügä niät protokolları imzalanırğa tiyeş. Şvetsiädђ yäşäwçe millättäşebez Törkär Suıqqan da düşämbe irtäsendä Grand Hotel qunaqxanäsendä Tatarstan delegatsiäse äğzaläre belän oçraşqan. Bu vizit turında kiläse tapşırularıbızda tağı da täfsilleräk xäbär birerbez.