Accessibility links

Кайнар хәбәр

Sarıtawda tatar gimnaziäläre direktorları konferensiäse ütte


Sarıtawda tatar gimnaziäläre direktorları konferensiäse ütte

Uzğan atna axırında Tatrstandağı ike gazetada ber törkem Mäskäw tatarlarınıñ Tatarstan Prezidentına açıq xatı basılıp çıqqan ide. Äğdäs Borhanov, Möxämmät Minaçev, İlşat Säfärğaliev, cämğısı 8 bilgele şäxes tatar milläteneñ bügenge xäle, bigräk tä Rusiä regionnarında qıyınlıqlar turında borçılıp yazdı, Tatarstan respublikasın häm Bötendönya tatar kongressın, federal' milli-mädäni möxtariäten yärdäm itmäwdä tänqitli. Älege xatqa nindi dä bulsa reaksiä sizelmi. Qazanda törle fikerlärgä häm tänqit süzlärenä künegep betkännär. Älege şäxeslär ni disäñ dä, latin älifbasın, Tatarstan möstäqillegen, milli berdämlekne häm tereleşne yaqlap çığalar. Praktik eşlär belän şöğellänüçelär mondıy xat avtorlarınıñ pozitsiäsenä ber dä qarşı tügel. Ä inde Tatarstan häm Tatar kongressınıñ çittäge tatarlarğa mönäsäbätenä kilgändä, soñğı waqıttağı çaralar häm waqığalar şaqtıy zur ähämiätkä iä. Şimbä kiçendä Tatar kongressı citäkçese İndus Tahirov, mäğärif ministrı urınbasarı İlsur Xadiullin, iqtisad ministrı urınbasarı Nuri Mostafaev häm başqalar Sarıtawdan qayttılar. İdel buyındağı borınğı şähärdä tatar mädäniäte könnäre başlandı. Sarıtaw tatar gimnaziäsendä Rusiä ölkälärendä eşläwçe tatar gimnaziäläre direktorlarınıñ konferensiäse buldı. Sarıtaw milli-mädäni möxtariäte citäkçese, eşquar Kamil Äbläzov Tatarstan häm Sarıtaw ölkäse arasındağı iqtisadi xezmättäşläkne tağın da kiñäytep cibärergä tırışa. Tırışqanda tatar cämäğätçelege dä, Tatarstan da teş ütmäs qatlawlı eşlärne dä başqara ala ikän.
XS
SM
MD
LG