Accessibility links

Кайнар хәбәр

Tatar zıyalıları Bäläbäydä ütkän ”İlham çişmäläre” festivalennän qayttı


Tatar zıyalıları Bäläbäydä ütkän ”İlham çişmäläre” festivalennän qayttı

Tatar zıyalıları Bäläbäydä ütkän ”İlham çişmäläre” festivalennän qayttı. Altınçı tapqır Bäläbäydä ütüçe şuşı festival'dä başqort, tatar, rus, çuaş şağirläre häm sänğätqärläre qatnaştı. Şähär administratsiäse başlığı Rif Gäzizov initsiativası belän başlanğan şuşı şiğer bäyräme öç respublika zıyalıların yaqınraq tanıştıra, şuşı töbäktäge sälätle şağirlärne zurlıy. Älege bäyräm könnärendä tatar, başqort, çuaş, rus ädäbiätı wäkilläre ber ük däräcädä zurlandılar. Fatix Kärim isemendäge büläklärneñ bıyılğı laureatları arasında Bäläbäy rayonında yäşäwçe şağir Azat Äxmätov häm bilgele tatar şağire Robert Miñnullin da bar. Tatarstan Däwlät Şurası räise urınbasarı häm şağir Robert Miñnullin Bäläbäy pedagogiä kolliätenä häm Bäläbäy tatar gimnaziäsenä Qazannan alıp kilgän milli kitaplar kolleksiäsen tapşırdı. Bäläbäydä ütkän töbäqära festival'dä Tatarstan Yazuçılar berlege räise Foat Ğalimullin, Tatarstan mädäniät ministrı urınbasarı İlfaq İbrahimov, cırçı Aygöl İsmäğileva qatnaştılar.
XS
SM
MD
LG