Kamal teatrı sezonnı baş rejissersız yabaçaq

Sişämbe könne kiç belän Tatarstan prezidentı Miñtimer Şäymiev Kamal teatrına bardı. Ul anda teatrnıñ bıyılğı premyerasın — Zölfät Xäkimneñ «Çaptı atım Qazanğa» spektaklen qaradı. Qayberäwlär Şäymievneñ spektakl'gä baruı tikmägä genä tügel, ul anda teatrnıñ baş rejisserı kem bulaçağın xäl itärgä kilgän, dip farazladılar. Läkin spektakl'dän soñ jurnalistlarnıñ, Kamal teatrında kem baş rejisser bula digän sorawına, prezident, älegä bu mäs'älä aktual' tügel, teatr bıyılğı sezonnı baş rejissersız ğına tämamlıyaçaq, dip kenä cawap birde. Şulay itep, küplärne borçığan bu soraw haman da cawapsız qala birä.