Accessibility links

Кайнар хәбәр

İnternatta säyer yanğın


İnternatta säyer yanğın

Bu arada bäyrämnär turında küp söylände. Kemgä bäyräm, kemgä yanğın digändäy, pänceşämbe kiç Qazannıñ yanğın sünderüçeläre Därwişlär bistäsendä urnaşqan aqıldan zäğif balalar internatına atılıp kildelär. Äle bügen dä säbäbe açıqlanmağan bu yanğın ällä çardaqtan, ällä internat direktorı bülmäsennän çıqqan dilär. Bäxetkä qarşı, biçara balalarnı utlı yorttan uramğa alıp waqıtlıça sıyınır urın tapmağannar äle. Alarnıñ 60 şuşı internatta eşläwçelär öylärenä alıp qaytqannar, öleşen xastaxanägä ozatqannar. Tikşerü däwam itä.

Moña östäp şunısın äytergä kiräk. Xoquq saqlaw oyışmaları häm mäğlümat çaraları älege internatqa ike ay elek iğtibar itkännär ide inde. Ul çaq balalar yortı direktorı Salaxov üz-üzen mıltığınnan atıp ütergän ide. Tikşerülär näticäsendä internatta baytaq qıñğır eşlär açıqlandı. Ber-işe xäbärlärgä qarağanda, pänceşämbedäge yanğın änä şuña da bäyle bulırğa mömkin ikän. Çönki yanğın säyer räweştä - çardaqtan başlanıp, berençe qattağı direktor bülmäsenä küçkän. Nişläpter başqa bülmälärgä “qızıl ätäç” kerergä cörät itmägän.
XS
SM
MD
LG