Accessibility links

Кайнар хәбәр

"Şärıq" klubında Seber tatarları kiçäse


"Şärıq" klubında Seber tatarları kiçäse

Menä şulay, Tatarstan üzen-üze yuatıp, yäşäwdän täm tabıp ğömer itärgä tırışa. Tözätelgän konstitutsiä şimbä könne basılıp çığıp, kiläse sişämbe könne üz köçenä keräçäk. Qayber matdälärgä federal' üzäkneñ däğwası barlığın berkem dä yäşermi. Respublika prezidentınıñ tatar telen belergä tieşlege turındağı täläpne Tatarstan añlı räweştä Konstitutsiägä kertte. Tatarstan tatar xalqınıñ üzbilgelänü forması bularaq tözelgän respublika. Ul çit töbäklärdäge tatarlarğa da yärdäm qürsätergä tieş, digän matdägä dä qarşı töşüçelär bulır. Ämmä, milli respublikanıñ üzençälegen yaklawdan başqa çara yuq. Konstitutsion mäxqämälär, federal' üzäkneñ basımnarı aşa bulsa da, respublika üzen saqlarğa tırışa.

Uzğan şimbädä yäşlärneñ “Şärıq” klubında seber tatarları kiçäse ütkärelde. Seber tatarlarınıñ ber öleşe ayırım millät bularaq yazılırğa cıyınamı? Bu mäsälä haman açıq qala. May urtasında Tömändä seber tatarlarınıñ cıyılışı häm fänni konferensiä bulaçaq.

“Şärıq” klubı kiläse utırışlarnıñ berse Başqortostan tatarlarına bağışlarğa cıyına. Tatarlar iñ küp yäşägän bu töbäktä millät xoquqları qısılğan çaqta, ni öçen tatar keşeläre üz mänfäğätlären xoquqıy yul belän yaqlıy almıylar? Tatarstan häm milli cämäğätçelek aldında nindi burıçlar tora? “Şärıq” klubı utırışında süz şul turıda baraçaq.

“Azatlıq” radiosı öçen Qazannan Rimzil Wäli
XS
SM
MD
LG