Accessibility links

Кайнар хәбәр

…Duma räise Gennadiy Seleznev kilä


…Duma räise Gennadiy Seleznev kilä

Qazanğa kilergä telägän Mäskäw qunaqlarınıñ isemelege monıñ belän genä çiklänmi. 17 mayda Tatarstanğa Rusiä Däwlät Duması räise Gennadiy Seleznev ta kilergä niätli ikän. Ul Qazanda 17 may könne açılaçaq federativ häm xalıqara mönäsäbätlärgä qağılışlı qanunnarğa bağışlanğan seminarda qatnaşaçaq. Monnan tış Gennadiy Seleznev Qazan belän tanışaçaq, aña boralaqlar yasau zavodın, «Krasnıy Vostok» şirqäten, ippodromnı, metro tözeleşen kürsätäçäklär. Şulay uq Rusiä spikerı Qazan däülät texnik universitetında ğalimnär häm studentlar belän, Bötendönya tatar kongressında tatar zıyalıları belän, ä Däülät Şurasında jurnalistlar belän oçraşaçaq. Seleznev «Tatarstan» telekanalında turı efirda çığış ta yasıyaçaq. Spiker äfände dä Qazan belän genä çiklänmiäçäk. 18 may könne ul Bilär şähäre häm respublikanıñ Kama aryağı belän tanışaçaq. Räsmi vizit waqıtında Gennadyi Seleznevnı anıñ Tatarstan kollegası Färit Mäxämmätşin, respublikanıñ vitse-premyerı Zilä Wälieva, Qazan şähäre başlığı Kamil İsxakov ozatıp yöriäçäklär.

Ä menä 14 may könne Tatarstanğa Amerikadan ber törkem ğalimnär kilep töşäçäk. Amerikanıñ Anderson kolledjında belem birüçe professorlar Qazanda 18 mayğa qädär bulaçaqlar. Başqalabıznıñ berniçä yuğarı uqu yortlarında bulıp, alar respublikanıñ studentları, uqıtuçıları, ğalimnäre belän oçraşıp, seminarlar, uqular uzdıraçaqlar. Şulay uq alar Tatarstan-Amerika regional' institutında menedjment buyınça leksiälär uqıyaçaqlar, Milli kitapxänäneñ küptän tügel genä açılğan Amerika zalında oçraşular ütkäräçäklär.
XS
SM
MD
LG