Accessibility links

Кайнар хәбәр

May axırında Qazanda törki xalıqlarnıñ «Näwrüz» teatr festivale ütäçäk


May axırında Qazanda törki xalıqlarnıñ «Näwrüz» teatr festivale ütäçäk

Yallar, bäyrämnär buluğa da karamastan, Qazanda mädäni tormış ber dä tuqtap tormıy. Äledän-äle estrada yoldızları konsertları, törledän-törle tamaşalar, festivallär sänğätne yaratuçı qazanlılarnı söenderep tora. 22 maydan 31 qädär Qazannıñ opera häm balet teatrında 16 Nuriev isemendäge xalıqara balet festivale ütäçäk. 13 maydan başlap başqalabız tamaşaçıları «Teatral' Rusiäneñ yäşlege» dip isemlängän bäygene küzätä alaçaqlar. 20 maydan Gäliäskär Kamal, Kärim Tinçurin, Yäş tamaşaçılar teatrlarında törki xalıqlarınıñ 7 «Näwrüz» teatr festivale uzaçaq. Qazan tamaşaçıları aldında tatar, başqort, äzerbäycan, qırğız, qazax, törek, gagauz, tıva, qırım tatarları, yaqut häm başqa törki xalıqlarnıñ 20 artıq milli teatrları çığış yasıyaçaq. Başqalabızda bu bäyge inde ikençe tapqır ütä. Festival' 26 mayğa qädär däwam itep, teatr söyuçelärgä küp kenä qızıqlı oçraşular wäğdä itä.

Azatlıq radiosı öçen Tatarstan xäbärläre belän Qazannan Gölnaz İlgizär
XS
SM
MD
LG