İctimaği tormış waqiğalärennän iñ berençe çiratta sişämbe könne Tatar ictimaği üzäge binasında ütkän matbuğat oçraşuı. Matbuğat oçraşuında süz Qazanda xalıqara Turan üzäge buldıruğa bağışlandı. Monıñ öçen başta bıyıl köz Qazanda Turan xalıqları qorıltayı ütkärü farazlana, oyıştıru komitetı da buldırılğan. Oyıştıru komitetın bu eşne başlap yörüçelär Äzärbäycan xalıq demokratik firqası citäkçese Räfıyq Turopxan-oğlı häm Gäncäli Äliev, BTİÜ räise Räşit Yagfärov, İdel-Ural berläşmäse räise Ğayal Mortazin häm törki xalıqlarına mäğlüm Çınğız Aytmatov, Alcaz Söläymanov, Fäwziä Bäyramova kebek cämäğät eşlekleläre kerä. Oyıştıru komitetı inde niätläre turında Rusiä prezidentı Vladimir Putinğa, Turan dönyası xalıqlarına häm Tatarstan prezidentına möräcäğätlär cibärgännär.
Şulay itep, 90-nçı yıllar başınnan uq Turan üzäge buldıru eşlären başlap cibärgän Äzärbäycan xalıq demokrtik firqase wäkile Turan üzägen Qazanda buldıru bik urınlı bulır, dip sanıy. Turan xalıqlarınıñ äxlaqi, ruxi berläşü ölkäsendä eşçänlegen koordinatsiäläw öçen tözelä. Anıñ bernindi dä säyäsi maqsatları, säyäsi däğwaları yuq. Turan üzäge oyıştaru komitetı Qazanda K.Marks uramı, 41 yortta, yäğni BTİÜ binasında urnaşqan.
Azatlıq radiosı öçen Qazannan Yunıs Ätnäle
Şulay itep, 90-nçı yıllar başınnan uq Turan üzäge buldıru eşlären başlap cibärgän Äzärbäycan xalıq demokrtik firqase wäkile Turan üzägen Qazanda buldıru bik urınlı bulır, dip sanıy. Turan xalıqlarınıñ äxlaqi, ruxi berläşü ölkäsendä eşçänlegen koordinatsiäläw öçen tözelä. Anıñ bernindi dä säyäsi maqsatları, säyäsi däğwaları yuq. Turan üzäge oyıştaru komitetı Qazanda K.Marks uramı, 41 yortta, yäğni BTİÜ binasında urnaşqan.
Azatlıq radiosı öçen Qazannan Yunıs Ätnäle