Accessibility links

Кайнар хәбәр

Qazan belän Riga arası yaqınaya


Qazan belän Riga arası yaqınaya

Tatar telen saqlap qalu häm üsterü Tatarstannan çittä yäşäwçe millättäşlärebez öçen ayıruça aktual' problema bulıp tora. Küptän tügel, Latvia başqalası Riga şähärendä açılğan “Tatarstan-Baltia” säwdä yortı şuşı mäsäläne dä qayğırtırğa tieş bulaçaq. Ütkän yılda Tatarstannıñ säwdä ministrlığı, KamAZ häm başqa şirkät citäkçeläre Latviä respublikasına barıp qaytqan ide. Liepaya şähärendä ütkän oçraşulardan soñ, urtaq xezmättäşlekne arttıru turında kileşengän bulğan. Latviäneñ tatar-başqort oyışması häm Tatarstannıñ säwdä ministrlığı tırışlıqları belän tözelgän «Tatarstan-Baltia» säwdä yortınıñ açıluwı turında, bu könnärdä, räsmi räweştä iğlan itelde. Anıñ citäkçese itep tatar-başqort oyışması räise Zöfär Zäynullin bilgelängän. Zäynullin iseme Tatarstanda milli xäräkät wäkillärenä yaqşı tanış, Zöfär äfände, elekke yıllarda tatar ictimaği üzägeneñ başında torğan Zäki Zäynullinnıñ ulı da.
XS
SM
MD
LG