Accessibility links

Кайнар хәбәр

Qazanğa Rusiä Duması räise Gennadi Seleznev kilde


Qazanğa Rusiä Duması räise Gennadi Seleznev kilde

Comğa könne Qazanğa tağın ber däräcäle qunaq -- Rusiä Duması räise Gennadi Seleznev citäklägän işle delegatsiä kilep töşte. Monda inde mäşäqät tayağın awır başı Tatarstan parlamentı citäkçese Färid Möxämmätşinğa töşte. Çönki bügen ük Däwlät Şurasında «Federativ häm millätara mönäsäbätlärneñ zakonnar çığaru bazasın kamilläşterü problemaları» dip atalğan seminar-kiñäşmä eşli başladı. Tatar-inform agentlığı xäbärennän kürengänçä, bu çarada Tatarstan Däwlät Şurası deputatları, Rusiäneñ qayber töbäklärennän xaqimiät, qanun çığaru oyışma citäkçeläre, Däwlät Dumasınıñ biş komitet citäkçese qatnaşa. Mondıy seminar-kiñäşmä Duma tarafınnan 14. tapqır uzdırıla. Ul törle töbäklärdä ütkärelä. Qanun çığaru däräcäsendä millätara mönäsäbätlär torışı berençe tapqır tikşereläçäk. Küräseñ, Dumanıñ mondıy waq mäsälägä niçäme yıllar qulı haman dä citmi. Bu yulı nihayät söyläşü bulır. Läkin süzdän ğämälgä küçü bulırmı -- monısın waqıt kürsäter.
XS
SM
MD
LG