Qazanda Başqortostan tatarları oçraştı…

Axırda ike mädäniät xäbäre. Şimbä könne Tatar ictimaği üzäge binasında “Şäreq” klubı utırışına Başqortostan tatarları wäkilläre çaqırılğan ide. Cırlı-biyüle bu mädäni kiçäneñ säyäsi yağı da mäğnäle buldı. Anda Mäsxüdä Şämsetdinova, İnsaf Abdulla, Flera Nizamova, Zäki Zäynullin, şulay uq cırçılar häm biyüçelär qatnaştı. Kamal teatrınıñ baş administratorı, Qazan şähäre “Azatlıq” oyışması räise İnsaf Xämitov alıp barğan bu kiçädä tuğan yaqta yäşäüçe qärdäşlärebezgä ruxi yärdäm kürsätergä, ğomümän Başqortostan tatarları belän yışraq oçraşırğa kiräk dip tabıldı.