28 may çik saqçıları köne

Sovet çorınnan kilgän ğädät buyınça bu kön Tatarstanda, bigräk tä Qazanda bilgelänep ütä. Qazannıñ Üzäk yal parkına törle yıllarda armiädä çik saqçıları ğaskärlärendä xezmät itkän keşelär cıyıla. Şunısı qızıq, bu ğäyre räsmi cıyılu yıldan-yıl räsmiläşä bara. Yartılaş xärbi, yartılaş sivil kiemdäge häm yartısı isrek, yartısı ayıq irlär aldında veterannar, ğämäldäge ofitserlar çığış yasıy. Bıyıl da Tatarstanda yäşäwçe çik saqçıların premyer-ministr Röstäm Miñnexanov qotladı. Anda qotlawında “Rusiä çik saqçılarnıñ iñ yaxşı traditsiälären federal çik xezmäte saqçıları layıqlı däwam itterä. Bügenge köndä çik saqçıları bik zur häm cawaplı eş başqara. Federal çik xezmäte xezmätlärläre kilep tuğan qıyınlıqlarnı uñışlı ciñep, üzläreneñ xärbi burıçın namus belän üti, batırlıq häm yuğarı hönäri ostalıq, üz eşenä, Konstitutsion burıçına tuğrılıq kürsätep, köndälek tormışta batırlıq häm tüzemlelek ürnäklären çağıldıra”, dielä.