Tatarstanda, nixayät, cäy citä buğay. Şuña kürä dä, salqınnarğa da qaramastan Qazandağı bolay da aktiv barğan tormış tağın da canlanıp kitte kebek. 29 may könne Tatarstannıñ Däülät şurası üzeneñ XII plenar utırışına cıyıldı. Anıñ kön tärtibendä 20-dän artıq mäsälä qaralğan ide. Läkin alarğa totınğançı deputatlar küptän tügel genä respublika xökümäte tarafınnan täqdim itelgän Aleksey Paxomovnı premyer-ministr urınbasarı, iqtisad häm sänäğät ministrı itep rasladılar. İsegezgä töşerep ütik, Paxomov küp yıllar «Melita» mex berläşmäsen citäklägän, sänäğät şirqätläre assotsiätsiäseneñ räise dä bulıp torğan. Şuña kürä ul respublika sänäğäteneñ torışı belän yaxşı tanış. Dimäk, anıñ üseş yulların da yaxşı küzallıydır digän ömet bar.
Monnan tış, deputatlar berniçä qanun tikşerdelär, alarğa östämälär kerttelär. Şulay uq Tatarstan parlamentı Vladimir ölkäse qanun çığaru cıyılışı deputatları täqdim itkän Rusiä prezidentı häm parlamentına möräcägätne dä yaqlap çıqtılar. Bu möräcäğättä Vladimir deputatları Rusiädä kertelgän yaña pasportlarda millätne kürsätüne täläp itälär. Sessiädä çığış yasağan Qormanov äfände süzlärenä qarağanda, bu täqdimne Ryazan ölkäse qanun çığaruçıları da xuplıy ikän. Şulay itep, Rusiädä yaña pasportlar inde şaqtıydan birelä başlansa da, bu pasportlar turındağı bäxäslär däwam itä.
Tatarstanda tağın ber yaña citäkçe. Sişämbe könne Tatarstan prezidentı Mintimer Şäymiev qararı belän Layış rayonınıñ başlığı itep Aleksandr Timofeev quyıldı. Moña qädär ul Alabuğa şähäre häm rayonı citäkçese bulıp tora ide. Layış rayonınıñ elekkege citäkçese Anatoliy Demidov isä başqa eşkä küçü säbäple prezident qararı nigezendä üz wazıyfalarınnan azat itelgän.
Monnan tış, deputatlar berniçä qanun tikşerdelär, alarğa östämälär kerttelär. Şulay uq Tatarstan parlamentı Vladimir ölkäse qanun çığaru cıyılışı deputatları täqdim itkän Rusiä prezidentı häm parlamentına möräcägätne dä yaqlap çıqtılar. Bu möräcäğättä Vladimir deputatları Rusiädä kertelgän yaña pasportlarda millätne kürsätüne täläp itälär. Sessiädä çığış yasağan Qormanov äfände süzlärenä qarağanda, bu täqdimne Ryazan ölkäse qanun çığaruçıları da xuplıy ikän. Şulay itep, Rusiädä yaña pasportlar inde şaqtıydan birelä başlansa da, bu pasportlar turındağı bäxäslär däwam itä.
Tatarstanda tağın ber yaña citäkçe. Sişämbe könne Tatarstan prezidentı Mintimer Şäymiev qararı belän Layış rayonınıñ başlığı itep Aleksandr Timofeev quyıldı. Moña qädär ul Alabuğa şähäre häm rayonı citäkçese bulıp tora ide. Layış rayonınıñ elekkege citäkçese Anatoliy Demidov isä başqa eşkä küçü säbäple prezident qararı nigezendä üz wazıyfalarınnan azat itelgän.