Tatarstan häm Belarus' respublikaları xezmättäşlek turında söyläşte

Ä respublikanıñ premyer-ministrı Röstäm Miñnexanov citäkçelegendäge delegatsiä sişämbe könne Belarus' respublikasınnan qayttı. Anda tatarstanlılar üzara xezmättäşlek turında söyläşülär alıp bardılar. Tatarstan häm Belarus' ber-berse belän xezmättäşlek itärgä bik telilär ikän. Röstäm Miñnexanovnıñ Belarus' prezidentı Aleksandr Lukaşenko belän oçraşuında da şuşı xaqta äytelgän. Ayırım alğanda ike respublika maşina tözü, nefteximiä kebek tarmaqlarda bergä eşlärgä niätlilär. Süz xättä Tatarstanıñ KamAZ berläşmäseneñ häm Belarus'nıñ MAZ şirkateneñ berlektä eşläwe turında da barğan. Xäbär itelgänçä, şuşı yılnıñ başınnan birle ike respublika arasındağı säwdä äylänäşe 19 million dollarnı täşkil itkän.