Accessibility links

Кайнар хәбәр

Qazanda “Tatar milläteneñ berdämlege” digän fänni konferensiä ütte


Qazanda “Tatar milläteneñ berdämlege” digän fänni konferensiä ütte

Şimbä könne Tatarstan Fännär akademiäseneñ Tarix institutı oyıştırğan “Tatar milläteneñ berdämlege” digän fänni konferensiä üzeneñ eşen tämamladı. İke kön däwam itkän şuşı konferensiädä berençe tapqır turıdan-turı tatar milläteneñ iñ aktual' problemaları tikşerelde. 30ğa yaqın dokladnıñ härqaysı üzenä kürä original' häm tirän eçtälekle buldı. Konferensiä tämämlanğanda Fännär akademiäse prezidentı Mansur Xäsänov, xäzer tatar milläteneñ tarixın häm kiläçägen fänni yaqtan tağın da kiñräk häm tiränräk öyränü turında yuğarı täläpçänlek belän söyläde. Älege konferensiä yaña temalar, yaña isemnär açtı. Xäzerge çornıñ aktual' mäsälälärenä professional' qaraşnıñ mömkinlege, tatar ğalimnäreneñ fänni potensialı zur ikänlegen kürsätte. Mansur Xäsänovnıñ yomğaq çığışında, Fännär akademiäse eşçänlegeneñ üzgärüe, yañaruı turında işärälär dä yañğıradı. Tatar xalqı turındağı fänni ezlänülärneñ konkret cimeşlären täläp itüçe zamana sorauları ğälimnär tarafınnan işetelgän ikän. Xäyerlegä bulsın. Bu fänni cıyın turında maxsus tapşıru häm maxsus analiz kiläçäktä “Azatlıq” dulqınnarında yañğırayaçaq.
XS
SM
MD
LG