Accessibility links

Azatlıq radiosınıñ tatar-başqort redaksiäse xäbärçeläre Qazanğa cıyıldı


Azatlıq radiosınıñ tatar-başqort redaksiäse xäbärçeläre Qazanğa cıyıldı

Sabantuylar zamanı citte. Uzğan yäkşämbedä rayonnarda Sabantuyları görläde. Ä düşämbe könne Azatlıq xäbärçeläre Qazanğa kilep üzenä kürä urıp-cıyuğa kereştelär. Rusiä häm BDBnıñ törle töbäklärendä eşläüçe ike distädän artıq xäbärçeneñ seminar-kiñäşmäse Qazan milli-mädäni üzägendä açıldı. Azatlıq radiosınıñ tatar-başqort redaksiäse mödire Färit İdelle şuşı yılnıñ yaz aylarında 28 teldä söyläüçe Azatlıq radiosınıñ tapşıruların maxsus sotsiologik tikşerü yomğaqları belän tanıştırdı. Menä Färit İdelleneñ çığışınnan ber özek:

24 ildä ütkärelgän tikşerenülär menä şundıy näticä birde. Şuşı tikşerenülärdä qatnaşqan 104 törkemdäge keşelärneñ 45% Azatlıq radiosınıñ tatar-başqort redaksiäsen bäysez, 40% – professional, 28% – waqıtında xäbär birä, 23% – ilneñ xälen añlıy, 21% – üzeneñ pozitsiäse bar, 21% – obyektiv dip bäyälägännär.

Älbättä, kiñäşmädä süz sotsiologiä qazanışları häm radiotapşırularnıñ niçek bäyälänüe turında ğına barmadı. Eşlär qayda niçek bara, milli tormış bügen nindi xäldä, retranslyatsiä, xoquqıy mäsälälär, icadi häm säyäsi problemalar tikşerelä bu kiñäşmädä.
XS
SM
MD
LG