Äle düşämbe könne töştän soñ Tatarstannıñ finans ministrı Robert Musin üz kabinetında eşläp utıra ide. Respublikanıñ aqça qapçığı östendä utırıp, aqça bülüçe finans ministrı eşe bik awır dilär. Çönki aqça küp kiräk, barısı da möhim häm berençe çiratlı mäşäqätlär, ämma qazna bay tügel. Aqça citmägän öçen ğäyeple keşe, ğädättä, beräw genä. Robert Musinğa qadär bu wazifanı Röstäm Miñnexanov başqardı häm şul urınnan tup-turı premyer-ministr wazifasına küçkän ide. Rusiädä avtomobil' sportı buyınça çempion isemen alırğa qüäte citkän Miñnexanov finans ministrı eşen uñışlı başqarırğa üzendä köç tapqan, bulıp çığa. Robert Musinnı da sälätle häm eşlekle keşe dilär. Ämma Tatarstan prezidentı anı başqa eşkä küçü säbäple düşämbe könne azat itü turında qarar çığardı. Ministr itep finans ministrınıñ berençe urınbasarı bulıp eşlägän Radik Ğayzatullin bilgelände. Radik Ğayzatullinga 38 yäş, ul Tatarstannıñ Bua rayonında tuıp üskän, Layış rayonında buxgalteriädä, reviziä eşlärnedä bulğan, annarı finans ministrlıgında bülek başlığı, ministr urınbasarı bulıp eşlägän.
Ä Robert Musinnıñ qaya küçüe turında räsmi xäbär äytelmi. 13 yündä ul “Zenit” bankınıñ direktorlar şurası räise itep saylanğan ide. Annan da irtäräk şul uq Robert Musin “Aq Bars” bankınıñ küzätü şurasınıñ räise itep saylandı. Qayber mäğlümätlärğä qarağanda, premyer-ministr Miñnexanov äytüençä, Mäskäwdäge “Zenit” bankı qaramağında ğayät möhim finans strukturası tözelä ikän. Şuşı çetrekle möhim eşne Robert Musin başqaraçaq. Ber uq waqıtta ul cılıraq häm şaqtıy aqçalı eş tä bulırğa mömkin. Oppozitsiädäge qayber gäzitlär Robert Musinnıñ Tatarstan finanslarınıñ xäle turında şöbxäle süzlär äytüen yazıp çıqqan ide. Çınnan da, xäzer büdjetlar zur defitsit belän qorıla, aqça citmi häm çığımnarnıñ keremnärdän kübräk buluında finans ministrı ğäyeple tügel. Xäzergä Robert Musinnıñ urınnan kitüe aña citäkçelekneñ naçar mönäsäbäte belän bäyle tügel digän tä'sir qala.
Ä Robert Musinnıñ qaya küçüe turında räsmi xäbär äytelmi. 13 yündä ul “Zenit” bankınıñ direktorlar şurası räise itep saylanğan ide. Annan da irtäräk şul uq Robert Musin “Aq Bars” bankınıñ küzätü şurasınıñ räise itep saylandı. Qayber mäğlümätlärğä qarağanda, premyer-ministr Miñnexanov äytüençä, Mäskäwdäge “Zenit” bankı qaramağında ğayät möhim finans strukturası tözelä ikän. Şuşı çetrekle möhim eşne Robert Musin başqaraçaq. Ber uq waqıtta ul cılıraq häm şaqtıy aqçalı eş tä bulırğa mömkin. Oppozitsiädäge qayber gäzitlär Robert Musinnıñ Tatarstan finanslarınıñ xäle turında şöbxäle süzlär äytüen yazıp çıqqan ide. Çınnan da, xäzer büdjetlar zur defitsit belän qorıla, aqça citmi häm çığımnarnıñ keremnärdän kübräk buluında finans ministrı ğäyeple tügel. Xäzergä Robert Musinnıñ urınnan kitüe aña citäkçelekneñ naçar mönäsäbäte belän bäyle tügel digän tä'sir qala.