Xristian dinenä bağışlanğan fänni-gämäli konferensiädä Kazanskaya Bojya mater' ikonasına bagışlangan maxsus seksiä eşläde

İnde xäbär itkänebezçä, “İdel-Ural regionında xristian dine: anıñ tarixı häm mädäniäte” digän fänni-gämäli konferensiä açılğan ide. Konferensiädä qatnaşuçılar, anıñ maqsatları turında ireştergän idek inde. Oppozitsiädäge ber gäzit pänceşämbe könne turıdan bärep, älege konferensiäneñ asılında Vatikannan älege dä bayağı Qazansqaya Bojya mater' ikonasın qaytaru probleması yata, dip yazıp çıqtı. Monıñ öçen Vatikannan maxsus ber wäkil çaqırtılğan häm ber maxsus seksiä eşli, dip yaza gazeta. Gazeta versiäse buyınça Qazannıñ 1000 yıllığına Kazanskaya Bojya mater' ikonasın Qazanğa qaytarunıñ iqtisadi häm säyäsi faydası da bar. Qazan xristiannar öçen turizm märkäzenä äwereläçäk häm millionnar belän isäplängän fayda kilä başlayaçaq. İkençedän, xristiannarnıñ tarixi raritetların qaytaru Tatarstan belän Rusiä citäkçelege arasın tağın da cılıtaçaq. Pänceşämbe könne “Azatlıq” radiosınıñ Qazan byurosında Vatikannıñ dinara mönäsäbätlär üzäge wäkile Padre Roman Ştaiger bulıp kitte. Anıñ belän täfsille äñgämä qorıldı, bu äñgämä yaqın arada tıñlawçılarıbızğa barıp ireşer.