Tatar yäşläre könnäre bıyıl yüldä uzaçaq

Bu yılnıñ avgust ayında Qazanda III Bötendönya tatar kongressı uzaçaq. Anıñ qısalarında tügäräk öställärneñ bersendä, tatar yäşläre problemaların da qarau küz alında totıla. Şunıñ belän bergä, tatar yäşläre könnäre dä bulaçaq ikän. Avgust ayında hawa torışı salqınça bula dip, bıyılğı tatar yäşläre könnäre, irtäräk, yül ayında uzaçaq ikän. Bu xaqta tulıraq mäğlümätne alğa taba citkererbez, älegä yäşlär ministrlığı belän elemtägä kerä almadıq. Qazan metrosı tözü barışında, älege oyışmanıñ binası yarıla başlağan ide. İşelep töşüdän qurqıp, ministrlıq xezmätkärlären aşığıç räweştä törle binalarğa tarattılar. Sport sarayı, şähär komitetı, başqa oyışmalarda utıruçı ministrlıq xezmätkärläre qıyın şartlarda eşli, bu alarnıñ bik tä cawaplı eşenä dä tä'sir itmi qalmıydır. Alay da, alar bireşmi. Pänceşämbe könne Qazanda sport bäyräme, yäşlär öçen küñel açu çaraları da ütkäreläçäk.