Avtorlarğa iğtibar arta

Berär ay elek bez «Azatlıq» radiosı aşa icat intelligensiäsen, tögälräge yazuçılarnı, kompozitorlarnı, artislarnı söyendergän ber xäbär citkergän idek. Başqalabızda sänğätkärlärebezneñ icadi milken yaqlawçı oyışma — TAİS barlıqqa kilgän ide. İnde berniçä ay gonorarların ala almıy intekkän icat keşeläre yaxşılap söyenergä ölgermäde, gorizontta tağın ber şundıy oyışma päyda buldı. Monısı da şul uq avtorlarnıñ mänfäğäten yaqlaw maqsatınnan oyışqan ikän. Anıñ iseme TAC-tatar avtorları cämğıäte. Küptän tügel genä icat keşeläre poçta ärcälärennän ber-berartlı ike dogovor çığardılar. Berse TAİSnıqı, ikençese TACnıqı. Sezneñ fäqiregez dä şul oyışmalarnıñ ikese belän dä oçraşıp söyläşte. Kileşülär matur häm döres yazılğan, wäğdälär dä ömetle. Avtorlar yuğalıp qaldılar, beräwläre TAİS belän eş itärgä teläk belderdelär, ikençeläre TAC belän eşläp qararğa buldılar. Şulay itep avtornıñ mänfäğätın yaqlaw eşe konkurensiä nigezenä salındı. Näticälären, kem eytmeşli, isän bulsaq kürerbez. Damir Ğıysmetdin