Ğäliäskär Kamal isemendäge tatar drama teatrın nindi üzgäreşlär kötä?

Düşämbe könne, Kamal teatrında sezon tämamlanuğa bağışlanğan ğömumi ciılış buldı. Kollektiv qarşında, küptän tügel baş rejisser wazıyfasına bilgelängän Färit Bikçäntäyev berençe tapqır zur çığış yasadı. Teatrda xäzer sänğätkärlär şurası oyıştırıla, spektakllär quyu öçen yaña rejisserlar çaqırıla, yaña sezonda Ğayaz İsxaqinıñ “Käläpüşçe qız” äsäre nigezendä spektakl quyılaçaq. Rifqat İsrafilovnı çaqırıp, Ğaliyäbanu äsären säxnäläşterergä uylıylar. Köz köne, artistlar Finländiägä säyäxätkä barıp qaytırğa niätli. “Azatlıq” radiosı öçen Qazannan Rimzil Wäli.