Adege tatarları yardäm sorıy.

Rusiäneñ Könyağında, Stavropolyeda, su basular şawqımı Tatarstanğa da kilep ireşte. Adege respublikasınıñ Şäwgen rayonı, Kirov bistäsendä yäşäwçe millättäşlärebezne dä su basqan. Adegenıñ «İdel» digän, tatar xalqınıñ ruxi häm mädäni üseşen tä’min itü waqıfı Tatarstanğa yardäm sorap möräcäğät itte. Yardäm iterğä teläwçelärgä Bötendönya tatar kongressınıñ başqarma komitetında tieşle mäğlümätlarnı birerlär. Azatlıq radiosı öçen Qazannan Yunıs Ätnäle.