Başqortostan tatarlarınıñ korabı Qazan yarına kilep tuqtadı.

9 iyül könne, irtä belän, Qazan yarına «Böyek Bolğarğa säyäxät» digän şiğar belän Başqortostan teploxodı kilep tuqtadı. Şuşı säyäxättä milli intelligensiä wäkilläre qatnaşa. İdel buylap Bolğarğa barular inde unınçı tapqır uzdırıla. Bıyılğısın «Ramazan» milli-ağartu üzäge oyıştırğan. Başqortostan tatarları, Qazanğa qädär Tübän Kama häm Bolğarda tuqtağan bulğan. Köndezge 12-dä qunaqlar «Eşmäkär-2002» kürgäzmäseneñ açılu tantanasında qatnaşıp, Prezident Şäymiev belän dä küreşergä tieşlär ide. Annan soñ, Ufadağı millättäşlärebez Tatarstanda yäşäwçe Başqortostan tatarları belän Qazan milli mädäni üzägendä oçraştı. Älege çarada şulay uq, Radik Sibağatovnıñ, äle genä dönya kürgän «Başqortostan tatarları» kitabın täqdir itü dä buldı. “Azatlıq” radiosı öçen Tatarstan xäbärlären Yunıs Ätnäle äzerläde.