Qazanda eşmäkärlär ciılışı uzdı

Qazannıñ eşmäkärläre dä cäy, esse könnär dip tormıylar. 9 iyül könne respublikanıñ Fännär Akademiäsendä alar üzläreneñ öçençe qorıltayına ciıldılar. Anda 250-dän artıq delegat qatnaştı. Xakimiät isemennän premyer-ministr urınbasarı Rawil Moratov çığış yasadı. Sez xakimiät belän berlektä tırışıp eşlägez, xezmättäşlek itegez, ä bez, üz çiratıbızda, quldan kilgänne eşlärgä tırışırbız, kiräk qanunnarnı qabul itärbez, dip äytte ul. Şunısın da östärgä kiräk, soñğı altı ayda keçe häm urta biznes wäkilläre Tatarstan büdjetın 400 million sumğa bayıttı.