Pänceşämbe könne Qazanda şähär xalıq deputatları şurasınıñ 11 sessiäse uzdı

Pänceşämbe könne Qazanda milli-mädäni üzäktä Qazan şähäre xalıq deputatları şurasınıñ 11 sessiäse uzdı. Kön tärtibendä älläni iskitärlek mäs'älälär bulmasa da, qayber mäğlümat çaraları bu sessiädän nindider säyäsi näticälär köttelär. “Звезда Поволжья” gazetası, mäsälän, Qazan şähäre administratsiäse başlığı wazifasına bıyıl köz möddätennän alda saylawlar ütkärergä äzerlänä häm üz namzäten alğa çığaru öçen çaralar kürä, digän faraz yazıp çıqtı. Gazeta yazuınça, bu sessiädä ğamäldäge administratsiä başlığı saylawlar buyınça tieşle qanunnarnı da ütkärergä niätli. Älegä sessiä tämämlanmağan häm anıñ näticäläre mäğlüm tügel. Şulay da, sessiädä prezident Mintimer Şäymievneñ täfsille çığış yasawı mäğlüm.