Tatarstanda ikmäk urağı qızıp barğanda, Qazandağı boralaq yasawçılar da tik yatmıy. Çärşämbe könne Qazan vertolet zavodında V Xalıqara Qazan vertoletların qullanuçılarnıñ konferentsiäse açıla. Anda 20 ilneñ aviatsiä yöge taşuçılarnıñ wäkilläre qatnaşa. Şul isäptän, Hindstan, Vietnam, Kolumbiä, Misır, Litva, İran kebek illärdä Qazan boralaqlarına utırıp yörilär ikän. Bu yulı qunaqlarğa yaña boralaqlar, ayırım alğanda “Ansat” dip atalğan keçkenä vertolet kürsäteläçäk häm anıñ turında mäğlümatlär bireläçäk.
Äye, vertolet yasap satsañ, aqça eşläp bula. Anı sata belergä häm aqçasın qullana belergä dä kiräk. Şuşı arada Mi vertoletları dip atalğan berläşmädä eş taşlaw buldı. Aqça tülämäwdän intekkän eşçelär aşarğa, yäşärgä ğaciz bulğan. Produksiä satıla, aqça kilä, ä bezgä eş xaqın birmilär, dip zarlana alar. Aqçanı tüläw öçen yaña maşinalarnı yasap betärgä kiräk, dip bäxäsläşte adminitsratsiä wäkile. Bu bäxäs niçek tämämlağandır, ämma tağın ber äkämät – Mi vertoletları Qazan açıq aksionerlar cämğıätendä eşläwçe 750 keşeneñ 500-e qısqa waqıtlı yalğa kitärgä mäcbür bulğan. Säbäbe – kanalizatsiä häm su yulında tözeksezlek arqasında avariä bulğan. Xalıqça äytkändä, şul tirädäge moxit sasığan. Şulay da, vertoletçılar bireşmi. Prezidentlar, patşalar öçen yaña boralaqlar äzerli häm, xätta, xalıqara konferensiä ütkärä.
Äye, vertolet yasap satsañ, aqça eşläp bula. Anı sata belergä häm aqçasın qullana belergä dä kiräk. Şuşı arada Mi vertoletları dip atalğan berläşmädä eş taşlaw buldı. Aqça tülämäwdän intekkän eşçelär aşarğa, yäşärgä ğaciz bulğan. Produksiä satıla, aqça kilä, ä bezgä eş xaqın birmilär, dip zarlana alar. Aqçanı tüläw öçen yaña maşinalarnı yasap betärgä kiräk, dip bäxäsläşte adminitsratsiä wäkile. Bu bäxäs niçek tämämlağandır, ämma tağın ber äkämät – Mi vertoletları Qazan açıq aksionerlar cämğıätendä eşläwçe 750 keşeneñ 500-e qısqa waqıtlı yalğa kitärgä mäcbür bulğan. Säbäbe – kanalizatsiä häm su yulında tözeksezlek arqasında avariä bulğan. Xalıqça äytkändä, şul tirädäge moxit sasığan. Şulay da, vertoletçılar bireşmi. Prezidentlar, patşalar öçen yaña boralaqlar äzerli häm, xätta, xalıqara konferensiä ütkärä.