Accessibility links

Кайнар хәбәр

Kongress delegatları Rusiä çigennän ütä alırmı?


Kongress delegatları Rusiä çigennän ütä alırmı?

Bötendönya tatar kongressınıñ mäğlümat üzäge xäbär itkänçä, delegatlar saylanıp betsä dä, çaqırular barısına da barıp citmägän. Çit il tatarları, bigräktä Avstraliä, Törkiä, Yaponiä häm Qıtayda yäşäwçe tatarlar bu könnärdä Rusiä ilçelege busağasın taptıy. Avstraliädäge millättäşlärebezgä Rusiä ilçelegendä III Bötendönya tatar kongressına çaqırular kilde dip xäbär itkännär, ämma şunnan soñ, sezgä viza qäğäzlären birä almıybız, dip şaltıratqannar. Şuña kürä Avstraliädän Säğıt Sadri, Wäliä Keniş häm Tanzilä Wandershlus kongressta qatnaşuçılar arasında bulmasqa mömkin. Qıtaydağı İlçi Sayran häm Yaponiädäge Ramazan Safa da Rusiä ilçelegenä küpme kerep yörsä dä, anda alar isemenä cibärelgän çaqırular kilmägän bula. Törkiädäge 9 millättäşrebez dä şul uq xäldä. Alarğa digän çaqıru qağäzläre, şulay uq, Törkiädäge Rusiä ilçelegendä yuq. Bu çaqıru qağäzläreneñ yazmışın açıqlaw belän xäzer, Bötendönya tatar kongressınıñ Başqarma komitetı şögellänä.

Bikä Timerova
XS
SM
MD
LG