Accessibility links

Кайнар хәбәр

III bötendönya tatar kongressı “Yaña Ğasır” häm Internet aşa turıdan-turı tapşırılaçaq


III bötendönya tatar kongressı “Yaña Ğasır” häm Internet aşa turıdan-turı tapşırılaçaq

Kongressınıñ töp plenar utırışı 29 avgustta Qazanda Sälix Säydaşev isemendäge Zur konsert zalında irtänge säğät 10 başlana. Kongressqa 562 wäkil saylanğan häm 200 keşe qunaq itep çaqırılğan. Monıñ xaqında Ministrlar Kabinetında sişämbe könne Öçençe bötendönya tatar kongressına äzerlek barışına bağışlanğan brifingta xökümätneñ maxsus oyıştıru komitetı räise urınbasarı Zilä Wälieva iğlan itte. Kongressta qatnaşuçılarnı qarşılaw, urnaştıru 26 avgustta başlana. 27 avgusttan Kongressnıñ mädäni programması başlanıp kitä. Anda “Qazan utları” jurnalınıñ 80 yıllığın bilgeläp ütü häm Tatarstannıñ tanılğan jurnalistı Şämsi Xammatovqa istälek taqtası açu kebek tantanalar bar.

28 avgustta III bötendönya tatar kongressınıñ “tügäräk östäl”läre açıla. Delegatlar häm qunaqlar öç törkemgä bülenä. Berençe törkemdä gumanitar mäsälälär tikşerelä. Monda fänni problemalardan alıp, tärbiä, ğailä mäsälälärenä qädär temalar kütäreläçäk. İkençe törkem Qazan milli mädäni üzägendä eşläyäçäk, anda yäşlär problemaları turında süz baraçaq. Öçençe törkemdä Qazan yärminkäsendä tatar eşmäkärläre, biznesmennarı qatnaşında eşlekle xezmättäşlek urnaştıru xaqında söyläşülär, kiñäşülär alıp barılaçaq. Kongressta törle töbäklärdän häm çit illärdän 80 artıq jurnalist akkreditatsiälängän. “Tatarstan Yaña ğasır” teleradiokompaniäse turıdan-turı translyatsiä alıp baraçaq. İnde xäbär itkänebezçä, Kongress barışın İnternetta “online” rejimında kürsätü da farazlana. Monısı Kongressnıñ oyıştıru tärtiben raslawçı sannar-mäğlümatlar buldı.

Ä inde Kongressnıñ eçtälegenä kilgändä, brifingta qatnaşuçı Kongressnıñ Başqarma komitetı räise İndus Tahirov Öçençe kongressnıñ eçtälege uzğannarınnan kisken ayırmalı, üzençälekle dip belderde. Çönki Öçençe kongress Rusiädä säyäsi wäzğıät üzgärgän ber çorda uzdırıla. İndus äfände äytüençä, xäzer respublikalarnıñ möstäqillegenä genä xöcüm tügel, xätta, Rusiäneñ federativ nigezlärenä xöcüm bara. Şuña kürä Kongressta şuşı säyäsi wäzğıätkä mönäsäbät açıqlanaçaq.
XS
SM
MD
LG