Başqarma komitetnıñ yaña räise kem bulır?

Brifingnıñ sorawlar öleşendä iñ berençe sorawlarda uq diärlek, İndus Tahirovnıñ kiläçäktä räislek wazifasına däğwa itmiäçäge belderüenä iğtibar itelde häm bulaçaq nämzät turında süz quzğatıldı. Brifingnı alıp baruçılar yarımşayarıp, nämzätlär turında gazetalardan uqıp qına beläbez, didelär. Ä inde citdiräk cawap: kongress 35 keşedän torğan Başqarma komitet saylayaçaq häm Başqarma komitet üz çiratında yaña räis saylayaçaq, dielde. İndus Tahirov çınnan da tağın ber möddätkä räislekkä däğwa itmäwen sizderde. Ä menä “Tatarstan yäşläre” gazetasınıñ sişämbe sanındağı intervyusında İndus äfände açıq itep “äye, idarä orğannarı ör yañadan saylanaçaq, yaña Başqarma komitet, anıñ räise, urınbasarları, byuro saylanaçaq. Min üzem räislektä qalu yağında tügelmen”, dip belderde.