«Tatar yäşläre assotsiätsiäse» oyıştı

III bötendönya tatar kongressı aldınnan tatar yäşläre berläşä, digän xäbär tarattı qayber internet agentlıqları. Baqsañ, «İnitsiativa» digän yäşlär programmaların üsterü fondı «Tatar yäşläre assotsiätsiäse»neñ oyıştıru cielışın uzdırğan ikän. Älege assotsiätsiä üzen säyäsi bulmağan, yäşlär oyışması itep tanıta. Üzeneñ maqsatın demokratik cämğıätne tözügä häm tatar yäşläreneñ global dönyada üz urının tabuğa yärdäm itü dip kürä. Şuşı fond häm yaña oyışqan assotsiatsiä «Tatar yäşläreneñ etno-mädäni üzäge» digän proektnı tormışqa aşırırğa cıyına. Milli yäşlärne milli ruxta tärbiäläw öçen, şuşı etno-mädäni üzäktä tarixi muzey, kitapxanä, internet belän elemtä, törle çaralar uzdıru öçen urın, sportzalnı buldıru quz adında totıla. Yäşlär şuşı üzäkkä yörep, möstäqıl fiker yörtergä, professoinal yaqtan üsärgä, millät öçen faydalı eşlär eşlärgä oyränergä tieş.

Älege Assotsiätsiägä nindi yäşlär oyışmalarınıñ kerüwen äle ber kemdä äytä almıy. Ul äle genä barlıqqa kilde. Anı ğamälgä quyuçılar barlıq tatar yäşlär oyışmaların xezmättäşlekkä çaqıra.