22 avgust - gomumrusiä matäm könendä Tatarstanda böten xalıq uq alay qayğığa batmasa da, Çeçnyada Mi-26 boralağı häläkäte kim digändä, 3 ğailäne qara qayğığa batırdı. Uzğan köz xärbi xezmätkä Norlattan çaqırılğan Ruslan Qiyamov, Älmättän çaqırılğan Ramil Şäfiğullin häm Çallıdan Röstäm Bahawetdinovlarnıñ älege boralaqta buluları turında xäbär kilde. Xäzergä alar xäbärsez yuğalğannar bulıp sanalalar. Çönki älege häläkättä häläk buluçılarnıñ gäwdäläre häm qaldıqları räsmi räweştä tanılmağan. İnde Tatarstannıñ xärbi komisariatı wäkile älege yegetlärneñ haläkättä ülüçelär isemlegendä buluların rasladı häm alarnıñ ğailälärenä 100 meñ rubl' külämendä matdi yärdäm kürsäteläçäge turında belderde. Tatarstandağı qayber mäğlümat çaraları märhümnärneñ gäwdäläre Tatarstanğa ber atna eçendä qaytarılaçaq, dip xäbär itä.
Tatar-inform agentlığı Tatarstan prezidentı Mintimer Şäymiev aviatsiä häläkätendä häläk bulğan Ruslan, Ramil, Röstämneñ äti-äniläreneñ qayğısın urtaqlaştı, dip xäbär itä. Şulay uq häläk bulğan soldatlarnıñ tuğannarı Rostovqa alarnıñ gäwdälären identifikatsiäläü öçen kittelär, dielä.
Tatar-inform agentlığı Tatarstan prezidentı Mintimer Şäymiev aviatsiä häläkätendä häläk bulğan Ruslan, Ramil, Röstämneñ äti-äniläreneñ qayğısın urtaqlaştı, dip xäbär itä. Şulay uq häläk bulğan soldatlarnıñ tuğannarı Rostovqa alarnıñ gäwdälären identifikatsiäläü öçen kittelär, dielä.