Accessibility links

Кайнар хәбәр

“Yaña ğasır” tele-radio kanalı tapşıruların başlap cibärde


“Yaña ğasır” tele-radio kanalı tapşıruların başlap cibärde

Kongress belän bergä, Tatarstanda respublika könnenä dä äzerlänälär. Sovet yıllarında bulğan ğöref-ğadätlär äle onıtılmıy. Respublika könenä, Tatar kongressına bağışlap tözeleşlär tämamlana, yaña binalar açıla.

Şulay itep, düşämbe könne Qazanda, üzäk uramda yaña säwdä üzäge – Däwlät Universal Kibet açıldı. Ul zamança taläplärgä turı kiterep eşlängän. Aldağı Kongresslarda çit il häm Rusiä qunaqları äytkän tänqit süzläre iskä alınu küräseñ, Zamança qunaqxänälär, häm xäzer inde kibetlär dä buldırıla başladı.

Tübän Kamada Respublika könenä bağışlap, Neft eşkärtü şirkäteneñ ber öleşen ğamälgä tapşırırğa uylıylar. Ä Däwlät muzeyında milli sänğät ürnäklärennän torğan kügäzmä açılaçaq.

Düşämbe könne, Tatarstanıñ “Yaña ğasır” kanalı tapşıruların açıp cibärde. “Häyerle irtä, Tatarstan” digän tapşıru belän telekanal eşe başlanğan bulsa, “Yaña Ğasır” radiosı da üz programmaların maxsus tapşıru belän açıp cibärde. Zamança bizälgän kanalnıñ tapşıruları eçtälege yağınnan tügel, signalnı tapşıru yağınnan da maqtawlı süzlärgä layıq buldı. Sember häm Sverdlaw tıñlawçıları şaltıratıp, Tatarstan tapşıruların qaraw mömkinlege öçen räxmät äytkän.

Bikä Timerova
XS
SM
MD
LG