Accessibility links

Кайнар хәбәр

Qazanda «Rossiyskaya gazeta»nıñ wäkilçelege açıldı


Qazanda «Rossiyskaya gazeta»nıñ wäkilçelege açıldı

Tatarstanda Mäskäw qunaqları özelep tormıy, disäñ dä bula. Menä 17 sentäber könne dä Qazanğa Rusiä Federatsiäseneñ matbuğat, teleradiotapşırular häm massaküläm kommunikatsiä çaraları eşläre ministrı Mixail Lesin kilde. Sişämbe könne ul Tatarstan prezidentı Mintimer Şäymiev belän oçraştı. Söyläşü waqıtında süz Rusiä häm Tatarstan mäğlümät çaralarınıñ üseşe, milli mädäniätlärne üsterü öçen kürelä torğan çaralar, respublikanıñ TNV kanalı turında da bardı. Oçraşudan soñ Mintimer Şäymiev häm Mixail Lesin «Rossiyskaya gazeta»nıñ İdel-Kama töbäge wäkillegen açı tantanasında qatnaştılar. Tatarstan prezidentı da, Rusiä ministrı da bu waqiğanı bik yuğarı bäyälädelär, dip xäbär itä “Tatar-inform” agentlığı. Mintimer Şäymiev xättä, «Rossiyskaya gazeta»nıñ wäkilçelege Qazanda açıluı bezne bik söenderä, çönki ul başqa gazetalardan ayırılıp tora, digän. Häm respublikadağı barlıq uñay eşlär turında başqalar xäzer tizräk belerlär, digän ömet beldergän.
XS
SM
MD
LG