Tatar-inform agentlığı bıyıl Xäter köne çaraların BTİÜ 13 oktäberdä başlap cibäräçäk dip xäbär itä. 13 oktäberdä Qazannıñ İrek mäydanında matäm cıyını uzdıra. BTİÜ Xäter köne uzdıru uñayınnan Tatarstan häm tatar xalqına möräcäğät qabul itkän. Anda “Xäter köne Rusiäneñ milli respublikalarnıñ, şul isäptän Tatarstan mästäqillegen dä yuqqa çığaru häm inde qabat totalitar tärtipkä qaytaru tırışlığı şartlarında bara. Şunıñ öçen Xäter köne çaralarında xalıq bu protsesslarğa qarata üz fikeren Rusiä häm dönya cämäğätçelegenä citkerergä tieş”, dielä. Şulay itep, ictimaği üzäk soñğı waqıtta Xäter köne ütkärü häm Rusiädä xalıq sanın isäpkä alu aksiäsenä äzerlek eşlären kierenke şartlarda alıp bara.
Çärşämbe könne ictimaği üzäktä Başqortostan tatarları cıyını ütkärelä. Alar xalıq sanın alu kampaniäsendä tatar xalqın törkemnärgä bülgäläw häm Başqortostanda şulay uq başqortlaştıruğa qarşı möräcäğät imzalap häm tuğan yaqlarında bulıp, yaqtaşların bernindi dä ügetläwlärgä-yanawlarğa qaramıyça, mäğlümatnı üz ixtıarları belän birergä çaqırırlar, dip farazlana.
Çärşämbe könne ictimaği üzäktä Başqortostan tatarları cıyını ütkärelä. Alar xalıq sanın alu kampaniäsendä tatar xalqın törkemnärgä bülgäläw häm Başqortostanda şulay uq başqortlaştıruğa qarşı möräcäğät imzalap häm tuğan yaqlarında bulıp, yaqtaşların bernindi dä ügetläwlärgä-yanawlarğa qaramıyça, mäğlümatnı üz ixtıarları belän birergä çaqırırlar, dip farazlana.