Accessibility links

Кайнар хәбәр

Tatar-Başqort arasına kem çöy qağa?


Tatar-Başqort arasına kem çöy qağa?

Soñğı waqıtta Başqortostandağı qayber millätçelär «Azatlıq» radiosı üzeneñ tapşıruları belän ike tuğandaş xalıq arasına çöy qağa digänräk mäğnädä üpkä belderä. Gärçä, zur diqqät belän tıñlasañ da, andıy näticä yasarğa urın yuq kebek. Kiresençä, radio tatar-başqort duslığın nığıtuğa yunältelgän ğamällär qılıp kilä. Änä şunıñ çağılışı, äle genä dönya kürgän «Yıraqtağı yaqın tawış» digän audiokasseta. Biredä ike xalıqnıñ duslığına bağışlap ayırım ädäbi-muzıkal' säxifä birelgän. Başqortostan gimnı, Xäniä Färxineñ başqort xalıq cırı «Elmälek»ne, ä başqort cırçısı Xäsän Usmanovnıñ üz telendä tatar xalıq cırı «Ällükine» başqaruı moñlı başqort qurayı uynawı — bolar barsı da «Azatlıq» radiosı zakazı belän eşlängän audiokassetada bik matur yañğırıy häm radionıñ pozitsiäsen açıp kürsätä. Tik ber närsä borçıy: Qazanğa qarşı mädäniät suğışı açqan qayber çinovniklar Başqortostanda şuşındıy kassetalarnı yä kertmäskä, yä arest salırğa buldıra. Menä monısı inde çıp-çınlap ike xalıq arasına çöy qağu bulır ide.
XS
SM
MD
LG