Axırda berniçä qısqa ğına mädäni yañalıq. Bay tarixlı, tanılğan Tatarstan cır häm biyü ansamble üzeneñ 65 yıllığın bilgeläp ütärgä äzerlänä. Bu törkem tatar milli mädäniät-sänğäteneñ yuğarı ber simvolı bulıp tordı, şuşı yıllar däwerendä ul tatar sänğätenä xörmät häm mäxäbbät tärbiäläde. Ansamblne respublikada ğına tügel, Rusiäneñ başqa töbäklärendä dä bik yaxşı belälär. Xäzerge mädäniät öçen matdi yaqtan awır yıllarda da, artistlar gastrollärgä şaqtıy yış baralar. Mäsälän, üzläreneñ Irımburdağı konsertlarınnan alar äle 18 üktäber könne genä qayttılar. Yaqın arada Tatarstan cır häm biyü ansamble artistları yänä yulğa çığıp kitäçäk. 28-31 üktäberdä alarnı Rusiä şähärläre buyınça gastrollär kötä.
23 oktäber könne «Qazan nurı» xalıq uyın qoralları ansamble Salix Säydäşev isemendäge Zur konsertlar zalındağı konsertı belän üzeneñ yaña sezonın açtı. Konsertta Räsim İlyasov citäkçelegendäge älege ansambl' tamaşaçılarnı xalıq häm estrada cırları, tatar häm çit il kompozitorları äsärläre belän quandırdı.
Sişämbe könne Qazan milli mädäni üzägendä igezäk-bertuğan rässämnar Aydar häm Niyaz Xisamovlarnıñ kürgäzmäse açıldı. Bu alarnıñ bergä oyıştırılğan berençe kürgäzmäläre, dip xäbär itä İntertat.ru gäcite. Bertuğan Xisamovlarnıñ icatında töp urınnı Qazan, Tatarstan, anıñ tabiğäte, bala çaqqa, tuğan yaqqa bäyle xatirälär urın alıp tora. İke rässäm da üz hönärlärendä yuğarı däräcägä iä. Xäzerge waqıtta Niyaz Xisamov Almaniädä, Berlinda, ä Aydar — Qazanda yäşi. Şuña da qaramastan, alarnıñ icatında bergälek bik küp, alar ber ük temalarğa icat itälär. Şunısın dä äytep kitik, Aydar belän Niyaz Tel, ädäbiät häm sänğät itnstitutı direktorı, borınğı tatar ädäbiätı belgeçe, Qol Ğäli icatın dönyağa çığaruçı Nurmöxämmät Xisamov häm tatar tele ğalimäse, filologiä fännäre doktorı Fäimä Xisamovanıñ igezäk ulları.
Azatlıq radiosı öçen Tatarstan xäbärläre belän Qazannan Gölnaz İlgizär
23 oktäber könne «Qazan nurı» xalıq uyın qoralları ansamble Salix Säydäşev isemendäge Zur konsertlar zalındağı konsertı belän üzeneñ yaña sezonın açtı. Konsertta Räsim İlyasov citäkçelegendäge älege ansambl' tamaşaçılarnı xalıq häm estrada cırları, tatar häm çit il kompozitorları äsärläre belän quandırdı.
Sişämbe könne Qazan milli mädäni üzägendä igezäk-bertuğan rässämnar Aydar häm Niyaz Xisamovlarnıñ kürgäzmäse açıldı. Bu alarnıñ bergä oyıştırılğan berençe kürgäzmäläre, dip xäbär itä İntertat.ru gäcite. Bertuğan Xisamovlarnıñ icatında töp urınnı Qazan, Tatarstan, anıñ tabiğäte, bala çaqqa, tuğan yaqqa bäyle xatirälär urın alıp tora. İke rässäm da üz hönärlärendä yuğarı däräcägä iä. Xäzerge waqıtta Niyaz Xisamov Almaniädä, Berlinda, ä Aydar — Qazanda yäşi. Şuña da qaramastan, alarnıñ icatında bergälek bik küp, alar ber ük temalarğa icat itälär. Şunısın dä äytep kitik, Aydar belän Niyaz Tel, ädäbiät häm sänğät itnstitutı direktorı, borınğı tatar ädäbiätı belgeçe, Qol Ğäli icatın dönyağa çığaruçı Nurmöxämmät Xisamov häm tatar tele ğalimäse, filologiä fännäre doktorı Fäimä Xisamovanıñ igezäk ulları.
Azatlıq radiosı öçen Tatarstan xäbärläre belän Qazannan Gölnaz İlgizär