Pänceşämbe, 7 noyäber könne, Ğäliskär Kamal teatrı artistları üzläreneñ tamaşaçıların premyera belän quandıraçaqlar. Bu yulı Kamal teatrı artistları tanılğan osetin dramaturgı Georgiy Xugaev äsäre buyınça quyılğan «Qara çikmän» spektaklen täqdim itäçäklär. Mäxäbbät häm näfrät turındağı bu muzıkal' dramada teatrnıñ tanılğan artistları qatnaşaçaq. Şunısın dä äytergä kiräk, 7 noyäber — tanılğan rejisser Marsel Sälimcanovnıñ tuğan köne. Kamal teatrınıñ soñğı premyerası da näq menä şuşı köngä turı kilüe oçraqlı tügel. «Qara çikmän» spektakle Marsel Sälimcanovnıñ istälegenä bağışlana. Qayber mäğlümätlärgä qarağanda, premyerağa Tatarstan respublikasınıñ citäkçelege dä çaqırılğan.
«Azatlıq» radiosı öçen Tatarstan xäbärläre belän Qazannan Gölnaz İlgizär
«Azatlıq» radiosı öçen Tatarstan xäbärläre belän Qazannan Gölnaz İlgizär