Accessibility links

Кайнар хәбәр

Däwlät Şurasınıñ plenar sessiäse 28 noyäbergä bilgelände


Däwlät Şurasınıñ plenar sessiäse 28 noyäbergä bilgelände

Töp mäsälä Tatarstan prezidentı Mintimer Şäymievneñ Däwlät Şurasına büdjet yullaması häm 2003 yılğa respublika büdjetı turındağı qanun proektı bulaçaq. Şulay uq Tatarstanda tellär turında qanun ütäleşe qaralaçağı mäğlüm. Ä inde uzğan atnada Rusiä Dumasınıñ latin imlasın tıyu turında qanunına mönäsäbät häm Tatarstan Konstitutsiäsen federal' qanunnarğa yaraqlaştıru probleması, waqälätlär büleşü şartnamäse yazmışı turındağı mäsälälär qaralırmı, bu turıda xäbär yuq.

Mäğlüm ki, Däwlät Şurasınıñ fän, mäğärif, mädäniät häm milli mäsälälär komissiäse älege mäsäläne sessiägä çığaru niäten beldergän ide. Älege komissiä räise Razil Wäliev 21 noyäber könne İntertat elektron ğazitendä on-layn konferensiä ütkärde. “Azatlıq” radiosınıñ Qazan bürosı şuşı temağa, yäğni latin imlasına qağılışlı mäsäläneñ sessiägä quyıluı-quyılmawı häm 2003 yıl büdjet proektnıyda fän, mäğärif, mädäniätkä küpme çığımnar qaraluı turında soraw quydı. Qızğanıçqa qarşı, bu xäbärne äzerlägänçe, cawap alınmadı. Tıñlawçılarıbız cawapnı älege säxifädän belä alır, dip ışanabız.
XS
SM
MD
LG