Accessibility links

Qazanğa Rusiäneñ mädäniät ministrı Mixail Şvıdkoy…


Qazanğa Rusiäneñ mädäniät ministrı Mixail Şvıdkoy…

Yäkşämbe kiçendä Qazanğa Rusiäneñ mädäniät ministrı Mixail Şvıdkoy kilde. Tönge Mäskäw reysın xökümät citäkçese Röstäm Miñnexanov häm anıñ yärdämçeläre qarşıladı. Rusiä ministrı Qazannıñ meñyıllığına äzerlek belän qızıqsına. Mintimer Şäymiev belän oçraşu waqıtında da süz şul turıda bardı. Mixail Şvıdkoy muzeylarda, teatrlarda, konservatoriädä, mädäniät universitetında häm “Piramida” dip atalğan yaña mädäniät üzägendä buldı. Tatarstannıñ ruxi, mädäni tormışı belän qızıqsınu naçar närsä tügel. Bigräk tä, mädäniätkä bäyle nujalar belän. Yuğıysä, soñğı waqıtta Tatarstan häm tatarlar Rusiä mäğlümät çaralarında Çeçnyadan qala iñ yaman doşman bularaq kürsätelä. Xättä Qazannıñ üzendäge oppozitsion gäcitlär häm mäğlümät agentlıqları da tatarnı xurlaw belän mawığa. Bu inde Tatarstanğa säyäsi häm mäğlümät höcüme cäyelderü turında zakaz buluın kürsätä. Bu zakaz kem tarafınnan birelgän? Vladimir Putinnıñ Qazanğa yış kilüe, Qazannıñ meñyıllığına äzerlänü komissiäsen citäkläwe qayberäwlärneñ eçen poşıra.
XS
SM
MD
LG