Bügen Daniä räsmiläre, Çeçennar wäkile Äxmäd Zakaevnı irekkä çığaru turında qarar qabul itte. Añarçı, räsmi Kopenhagen, Zakaevnı Rusiägä tapşırudan baş tarttı. Daniäneñ Yustitsiä Ministrlığı, Çeçenya Prezidentı wäkile Zakayevnı Rusiägä tapşıru öçen, anıñ terrorda ğayeple buluı turında citärlek dälillär alınmadı, dip belderde. Ministrlıqnıñ xalıqara bülege başlığı Jakob Scharf, Zakaev, irektä dip kenä äytte. Anıñ qaya kitäçäge turında ber süz dä bulmadı.
Rusiäneñ Yustitsiä ministrı Yuri Chaika, Zakaevnı irekkä çığarırğa ışanıçlı dälillär bulğandır, bügenge qarar qanunnan bigräk säyäsi mäs’älälärgä nigezlängängä oxşağan, dip belderde.
Zakaev, Mäskäw sorawı nigezendä üktäbrneñ 30da, Kopenhagenda uzğan çeçen wäkilläre häm keşe xoquqları aktivistları cıyınınnan soñ qulğa alınğan ide. Rusiä, anı tınıç xalıqqa qarşı terror ğamällären oyıştıruçılarnıñ berse buluda ğayepläde.
Zakaev, Mäskäw sorawı nigezendä üktäbrneñ 30da, Kopenhagenda uzğan çeçen wäkilläre häm keşe xoquqları aktivistları cıyınınnan soñ qulğa alınğan ide. Rusiä, anı tınıç xalıqqa qarşı terror ğamällären oyıştıruçılarnıñ berse buluda ğayepläde.
