Uzğan ayda ğına da 96 meñ ber yöz keşe eşen yuğalttı. Eşsezlek 9.7% citte. Qayber iqtisadçılar, fevral ayında Germaniädäge eşsezlär sanı 4 yarım millionğa citer dip farazlıy. Federal Xezmät İdaräseneñ prezidentı Florian Gerster, jurnalistlarğa, Germaniä iqtisadı-soñğı aralarda yaña eş urınnarı buldıra almadı, dip belderde. Parlament aldında çığış yasap, kancler Gerhard Schroeder, Germaniä tirän iqtisadi krizis kiçerä digän farazlarnı kire qaqtı. Küzätülär, eşsezlekne kimetergä wağdä itkän Schroeder’neñ reitingı töşä barğanın kürsätä.
