Paqstan Rusiä häm Hindstan citäkçeläre oçraşu waqıtında imzalağan terrorğa qarşı köräş turında deklaratsiädä İslamabadqa qarata röxsät itelmäslek işarälär yasadı, dip rizasızlıq belderde. Tışqı eşlär ministrlığı yasağan älege belderüdä, ike ilneñ “Kaşmir töbägeneñ azatlığı öçen çın köräşenä tieşle qaraş häm räsmi tanu beldermägäne” uñayınnan ükeneç häm borçılu belderde. Rusiä-Hindstan deklaratsiäsendä, Paqstannı, İslamabad kontrolendä bulğan cirlärdä “terror çeltären beterergä” çaqıru bar ide. Rusiä prezidentı Vladimir Putin häm Hindstan premyer-ministrı Atal Behari Vajpayee bu deklaratsiägä kiçä qul quydı.
