Accessibility links

Кайнар хәбәр

Levi Levaev: Tatarstanda yäxüdlärgä tieşle şartlar tudırılğan


Äye, Tatarstanda däwlätneñ bar konfessiälärgä dä mönäsäbäte bertigez. Bu turıda süz Ğayet aldınnan Mintimer Şäymievneñ BDB illäreneñ yähüd mäxälläläre federatsiäse prezidentı Levi Levaev citäklägän İsrael-Mäskäw delegatsiäse belän oçraşuında bardı. Älege delegatsiä Qazanğa Xanuk bäyrämenä kilgän ide. Tatarstan ber cirdä törle xalıqlar häm dini konfessiälär wäkilläreneñ tatu yäşi alu misalı, dide älege oçraşuda Mintimer Şäymiev. Bez monıñ qäderen beläbez häm alğa taba da bu duslıqnı häm üzara tüzemlelekne häm añlaşunı saqlayaçaqbız, dide prezident. Oçraşuda şulay uq Rusiädä berençelärdän bulıp, Qazandağı yähüdlär mäxälläsenä sinagoga qaytarıluı iskä alındı. Yähüdlär mäxälläse federatsiäse prezidentı Levi Livaev äytüençä, tizdän Qazanda mäxälläneñ üz mädäni üzäge häm moxtaclar öçen buşlay restoran açılaçaq. Şulay itep, älege delegatsiä Tatarstanda yäşäwçe 10 meñgä yaqın yähüdlär tınıç, imin yäşäp yatalar, alarğa din totarğa, üz ğoref-gädätlären başqarırğa mömkinleklär bar digän näticä yasap kittelär.
XS
SM
MD
LG