Alar pänceşämbe-comğa könne Kopenhagenda ütäçäk Sammitqa qädär berlekkä qabul itü söyläşülären mömkin qädär axırına yaqınaytırğa tırışa.
Namzätlärneñ kübese Daniä täqdim itkän kompromissqa rizalaşırğa äzer buluın beldersä dä, Iñ töp namzät bulğan Pol’şa qarşı toruın däwam itä.
Pol’şa tışqı eşlär ministrı Vlodimierj Çimojeviç Pol’şa qayber mäs’älälärdä çigensä dä ğömümän alğanda awıl xucalığı kuotaların häm finans şartların yaxşırtuğa ömetlänä dide.
Çexiä belän Macarstan isä Yewropa Berlegeneñ awıl xucalığı subsidiäläre turında beraz yaxşırtılğan täqdimnären qabul itte.
Slovakiä belän Baltıyq däwlätläre dä kopenhagenda qaralaçaq qayber möhim finans mäs’älälärennän qala barlıq mäs’ällär turında kileşügä yaqınlaştı.
